تداول رواد منصات التواصل الاجتماعي، وصفحات مهتمة بأخبار المشاهير، مقطع فيديو، للإعلامية المصرية، المثيرة للجدل، ياسمين عز، من حلقة من حلقات برنامجها “كلام الناس” المذاع عبر قناة MBC مصر، نصحت فيه الشباب المقبل على الزواج، بالارتباط من موظفات البنوك، لما لديهن من مزايا عديدة.
وعددت ياسمين خلال الحلقة مزايا الارتباط بموظفة البنك، قائلة: “يا بختك ويا سعدك لو إتجوزت موظفة بنك، لازم تعرف إنك إتجوزت الشياكة والأناقة كلها في اللبس والشعر والمكياج، كل حاجة مظبوطة بالشعرة، وهتحس إنك متجوز سوبر موديل، وأضافت أن موظفة البنك “الوحيدة اللي مش بتتخن، مهما تفوت السنين تلاقيها دايما محافظة على رشاقتها، بطنها مشفوط وكتفها مفرود وظهرها مشدود ورقبتها عمود”، هذا بالإضافة إلى: “تظبط المنبه على مواعيد دخولها وخروجها، وعمرها ما تتأخر عليك في تحضير الغدا أو أي حاجة” ونوهت إلى ميزات أخرى قائلة: “موظفة البنك صوتها واطي دايما بحكم احتكاكها بالعملاء، وإنت أهم عميل في حياتها، ودايما رضاك مهمتها الأساسية، مراتك موظفة البنك أحسن واحدة تظبط لك ميزانية البيت، وعمرها ما تقول الفلوس مش كفاية، غير إنها كسيبة وتلاقيها متحملة كل مصاريفها الشخصية، وقلبها لك خزانة خاصة مقفولة يدخلها واحد بس”، واختتمت ياسمين عز مزايا الارتباط بموظفة البنك، قائلة: “هتلاقيها دايما بتتعامل معاك بمبدأ نحن نحافظ على سرية بياناتك، وأنت بتدخل باسوورد موبايلك تلاقيها دورت وشها الناحية الثانية”.
