أعلنت الفنانة نجوى إبراهيم إصابتها بمرض السرطان، مشيرة إلى قرب اتخاذ قرار الاعتزال بسبب الضغوطات التي تتعرض لها عبر منصات التواصل الاجتماعي.
وظهرت نجوى إبراهيم غاضبة عبر برنامج بيت العز وقالت إنها ولأول مرة تتابع مثل هذا الكم الهائل من التعليقات الذي شهدته مؤخرا.
وأضافت: “يا نهار أبيض على ما قيل، عدد كبير جداً فوق الـ2000 شخص، منهم 500 هما ضروري عارفين نفسهم ما تروحوا يا جماعة تتعالجوا، عايزين إيه؟ أعتزل؟ ما أكيد الإنسان هيعتزل، ممكن الأسبوع الجاي ماتلاقونيش لأني خلاص زهقت واختنقت، مش معقول الواحد هيفضل طول العمر يكلمكم ومش على آخر العمر الواحد يأخذ كل ده”.
وتابعت: “في حاجة كمان ليه الناس بتبص لبعض وتستكثر على بعضها الخير، من قبول أو ابتسامة أو أموال، ليه؟ ما تقولوا الحمد لله ما شاء الله يا رب نبقى زيه، أنتم إيه اللي يريحكم؟ إني أعتزل طيب قولوا لي هعتزل”.
وقالت ماما نجوى: “أنا عندي 80 سنة وغلبانة وعيانة وعندي سرطانات، إيه اللي يفرحكم؟ ما فيش حاجة حلوة بتفرحكم؟
وختمت: طيب أنا كبيرة وعندي سرطان وعملت 7 آلاف عملية وهعتزل قريب وهموت قريب، هدوا نفسكم والنبي مش علشاني أنا مش جاية أعمل مستقبل وأربي عيالي أنا جاية فرحانة بيكم وبعمل أوفر تايم وسعيدة وبتشرف بكلامي معاكم حبوا بعض وشغلوا قلبكم شوية.
